Ільнокамбінат атрымае крэдыт ад “БПС-Сбербанк”. Раней прадпрыемства марна спрабавала пазычыць грашовыя сродкі дзеля працягнення нармалёвай працы ў Еўразійскага банку развіцця, але той адмовіў у атрыманні неабходных 85 мільёнаў еўра.

“БПС-Сбербанк” пагадзіўся прадаставіць крэдыт, але на ўмовах залогу. Агульны кошт абсталявання ільнокамбіната большы за 56,8 мільярду рублёў, згодна з пастановай Савета Міністраў абсталяванне закладзена да 30 сакавіка 2012 году, адпаведна, у выпадку невыканання сваіх абавязкаў прадпрыемства рызыкуе страціць усё, на чым можна працаваць. Усе планы па мадэрнізацыі, якія агучваюцца штогод на розных нарадах, у выніку правальваюцца, надышоў час чарговай ганебнай дамовы.